Ақын өлеңдері жинағы ✍️

Ұмыттырып, жан жасыған сәттерді,
Махаббатың маған шуақ ап келді.
Аспанымда күн сияқты нұрланып,
Жүрегіме жыр тұтатып, от берді.
Ұмыттырып, қорлығымды көп көрген,
Ықыласың мен жетпеске жеткерген.
Аспанымда ту сияқты желбіреп,
Алып шыққан не бір қиын өткелден.
Ұмыттырып зар илеген кезімді,
Алғандаймын бір өзіңнен төзімді.
Аспанымда ай, жұлдыздай жарқырап,
Биіктеттің мен арқылы өзіңді.