Ақын өлеңдері жинағы ✍️

Сол жылы Алматының күзгі айында,
Өсек қаулап, жұрт шулап біз жайында.
Біреулер жанымызды тілгіледі,
Біреулер себетұғын тұз дайындап.
Екеуміз қосылмаса екен деп...
Сол жылы бізді бір күш әлдиледі,
Білмейміз бақ биледі, сор биледі.
Екеуміз көзді жұмып кете бардық,
Паналап жүрек деген тар күймені.
Әйтеуір бөлінбесек екен деп.
Содан соң, талай-талай күз алмасты.
Жазмыштың жазуларын тізе алмаспын.
Көшіне адамзаттың ілесіп ап,
Бабалар салған жолды біз жалғастық.
Тіршілік үшін тепеңдеп..