Ақын өлеңдері жинағы ✍️

Алуан-алуан күйлер билеп сананы,
Өмірде оттар,
Көңілде оттар жанады.
Соның бәрін ақ қағазға түсіріп,
Жазып тастап, жаның рахат табады.
Жазып тастау!
Бақыт еді не деген.
Өткір ойлар,
Ұтқыр ойлар жебеден.
Тесіп өтіп торғауытын өмірдің,
Құлдырайды құлындайын тебеген.
Ақтарып сап көңіліңнің сырларын,
Азаттық ап,
Бостандық ап жырларың.
Содан барып жүрегіне басқаның
Ұялайды, еніп алып ұрланып.