Ақын өлеңдері жинағы ✍️

Алтыншаш Жағановаға
Сіз сөйлегенде!
Іреп сап ұлықтарды,
Пенде түгіл дүние тынып қалды.
Аузыңыздан шыққан әр сөзіңізге,
Жүз ұлт ұйып, жүз жігіт құрықталды.
Сіз сөйлегенде!
Ұлтыңызды таныстырып,
Иманын, парасатпен табыстырып.
Пенде түгіл, дүние дірілдеді,
Бойынан қан, көзден жас жарыстырып.
Сіз сөйлегенде!
Қазақты биіктетіп,
Бұза алмады-ау еш адам киіп кетіп.
Ата-анаңнан айналып тұрды халқың,
Сізді тапқан алтындай сүйікті етіп.