Ақын өлеңдері жинағы ✍️

Желтоқсанда сен тұрғанда қасымда,
Кемпірқосақ көрінді қыс басында.
Ондайда жыл жайлы болар деуші еді,
Жақсылыққа бастады ма расында.
Биылғы қыс шындығында көктемдей,
Әлем бізге мейірімін төккендей.
Екеуміздің қуаныштан көңіліміз
Кемпірқосақ тұрған жаққа жеткендей.
Биылғы қыс - жайлы болып Арқада,
Әппақ қарға оранды да бар қала.
Сол ақ қардай сезіміңді жырладым,
Ақтарып сап өлең сүйер ортаға.