Ақын өлеңдері жинағы ✍️

Жалт ете түсті жастығым,
Жатахананың алдында.
Жанымның сол сәт тасқынын
Игере алмай қалдым ба?
Күлімдеп жастық жас қыздай,
Дірілдеп оған қарадым.
Есігін қайта ашқызбай,
Дүрілдеп кетіп барады.
Шоқтай боп жанып жанары,
Албырап жүзі алмадай.
Көздерді тартып анары,
Аяқ пен қолы балғадай.
Жібектей шашын жел тарап,
Бұралып белі қайыңдай.
Сымбатына ел қарап,
Бара жатыр, құдайым-ай!
Садаға болып ізіне,
Жүрегім тоқтап қалғандай.
Жап-жас сол қыздың жүзіне
Қадалып қалдым, арман-ай!