Ақын өлеңдері жинағы ✍️

Кең аспанның көкірегіне сүйенген,
кең аспанның көкірегінен күй емген,
аласы жоқ ақ отаудай шаңқиған,
аумақ-аумақ ақ бұлттарды сүйем мен.
Киіп кетіп жатпаса да ой көлденең,
әлге дейін айыра алмай мен келем!
Ақша бұлттар менің аппақ жаным ба,
ақ бұлттардың жанымын ба әлде мен.
Көктем, көктем, көгіңнен көз талмайды,
көк аспаның құбылады, алдайды.
...Аумақ-аумақ ақша бұлттар арасын
аппақ-аппақ самолеттер жалғайды.