Ақын өлеңдері жинағы ✍️

Жарқырап Алатаудың басы жанып,
жайнайды аспан асты асылданып.
Бояуын көктем әр күн қалың жағып,
барады қала бағы жасылданып.
Бір шетте ағараңдап алма гүлдеп,
бұртияр маған көзін салмады-ау деп.
Қыдырып жүрген жандар толып кетті,
мен жүрмін үйлерде ешкім қалмады-ау деп.
Көшеге көктем құрған парад қандай,
өзіне күн көзін де қаратқандай.
...Жүруге жеңіл аяқ, жеңіл денем,
көтеріп біреу мені баратқандай.