Ақын өлеңдері жинағы ✍️

Күткен жаман өмірде, күткен жаман,
күте-күте шыдамың біткен жаман.
Күлімдеген көздері сол бір жаным,
келместей боп көрінер тіптен маған.
Түн де өтер,
жарқырап таң атқанда,
бітер-ау бұл азапты сағаттар да.
Күнмен бірге келер-ау қалқам менің...
бірақ соны тосуға тағат бар ма?!.
Көкірекке шоғыңды үйіп алып,
төсекте аунап жатқаның күйіп-жанып.
...Басар ма едің мауқыңды құшақтай ап,
өшірер ме ең өртіңді сүйіп алып!