Ақын өлеңдері жинағы ✍️

Алтынбасым,
ай жүзіңе таң қалдым,
жалғыз сені сүйеді екем, – аңғардым.
Сен деп қана өтіп жатыр
аңсаулы
армандардан тұратұғын аңғал күн.
Таңдар күнде сен боп күліп атады,
қуаныштан көңіл көл боп жатады.
Ақ тілектер андыздайды-ау ал, сонда,
ақ тілектер алқынып тіл қатады.
Көз ашқалы көрмегендей түк қайғы,
кеудем қазір, кімнен болсын ықпайды:
жақсылығым,
сен жер басып жүргенде,
жаманшылық бар екен деп ұқпайды!