Ақын өлеңдері жинағы ✍️

Сен жек көріп кетсең де сағынамын,
тағдырдың тәлкегіне бағынамын.
Күйдірген құшағымды, ыстық дүние-ай,
көп тессең көкейімді, неғыламын.
Теңіз кеп қосылғандай теңізбенен,
мен сені бөлінбейтін егіз деп ем.
Көңілімді қайда қоям көп қамыққан,
көзімді қайда қоям сені іздеген.
Төгіліп кетті ырысым толып тұрып,
қайғыға,
уайымға молықтырып.
Алматы аппақ алғыс алар ма екен,
бір күні бізді қайта жолықтырып...