Ақын өлеңдері жинағы ✍️

Мен саған еріп бақытты болам деппін-ау,
бар бақыт жерде – сендей-ақ.
Алданып көп жыл, арманнан ұзап кеттім-ау,
өзімді тұрмын енді аяп.
Дәрменсіз жанның сөзі емес бұл баж етпе,
куә оған мына от өңір.
Болары болған қатені түзеу қажет пе,
болмаған соң екі өмір.
Көмбе боп көптен кеудемде жатқан ойды аштым,
жерім де жоқ кектескен.
Өзің де бірақ, бақытты бола қоймассың,
мені бақытты етпестен...