Ақын өлеңдері жинағы ✍️

Өмір – өзен,
жалықпайды ол ағуға,
Жарқабақтар құлап жатыр жалп етіп...
Біздің үйдің қара пешін жағуға,
қалай ғана туа салдың жарқ етіп.
Жылдар жүйрік,
жалдан ұста, құлама!
Сенім болсын сенің әр кез сүйеуің.
Бақытты бол,
бұл жалғанда жылама,
бақыттырақ болсын сенен күйеуің!
Тірлік – күрес,
өту керек қырқысып,
деп сөзімнің мен де соңын түйемін.
Көп жаса сен бұл жалғанда тырысып,
сенен дағы көп жасасын күйеуің.