12.05.2022
194
Маған дейін талай жігіт көз салған....
Маған дейін талай жігіт көз салған,
маған дейін талай жігіт сөз салған.
ей, жан-жарым, барлығынан өтіпсің,
сөйтіп маған аман-есен жетіпсің.
Бір өзіңсің ойын-сауық, мерекем,
барым, жоғым, ашым, тоғым, берекем.
Сен екенсің гүл мекені тірліктің,
жалықпаушы,
қызықтаушы мен екем.
Өзің барда: көңіл – көркем, ой – тәуір,
қадіріңе жетсем болды, әйтеуір.