Ақын өлеңдері жинағы ✍️

Әлдеқашан,
басылған бар өлеңі,
көкірегімнің қуанғысы келеді,
жақсылықпен
жаманшылық мол сиған,
бұл дүние
неткен ғана кең еді.
Аз еңбекке
алған болмашы ақыдай,
тірлік дәмі
тұр ғой жөнді татымай.
Жамау-жамау
жамандығың жетіп тұр,
титтей болсын,
жақсылық бер, а құдай?!
Көкпеңбек боп
қайың, талы, терегі,
көктем мынау,
желкілдеген желегі,
қалың бұлттан
саңлау күткен жердей боп,
көкірегімнің қуанғысы келеді.