Ақын өлеңдері жинағы ✍️

Бұл ақындар
аспандағы жұлдыздар,
тұрады олар,
бір жаққа ауып кетпейді
біреулердің
қолы оған жетпесе,
біреулердің
ақылы оған жетпейді.
Тұрып сонау
жоғары да, биікте,
бірге жақпай,
біреулерге жағасыз.
Ақымағы
көбейген бар елдердің
ақындары
болады ыңғай бағасыз.
Ақындары
алаулаған аспанда,
білмейді олар
даттайды ма, мақтай ма?!
Мені қинап
жүрген сұрақ, бір сұрақ,
қазақ оған
жата ма әлде жатпай ма?!