Ақын өлеңдері жинағы ✍️

Тау секілді тұрам үнсіз жырақта,
содан пайда тапқан жоқпын бірақ та.
Қызыл үшін,
қызық үшін қырқысқан,
ит тірліктің келеді үні құлаққа.
Жалт-жұлт етіп жанарымды арбайды,
құбылады,
құлпырады – алдайды.
Тау секілді тұрам үнсіз жырақта,
жақын барып,
араласа алмаймын.
Қойны-қоншы толып кейде ырысқа,
кейде айналып кетер керіс, ұрысқа,
Тау секілді тұрам үнсіз жырақта,
біле алмадым дұрыс па бұл, бұрыс па?!