Ақын өлеңдері жинағы ✍️

Сен кемпір боп,
мен шал болып қалсақ та,
әже атын,
ата атын алсақ та,
жастық шақтан
кеткен жоқпыз жырақтап,
махаббаттан
кеткен жоқпыз алшақтап.
Кейбір кезде
қарасып қап алқынып,
мына өмірдің
қуантамыз әр күнін,
елеместен
көңілдердің кірбіңін,
ескерместен
жүректердің салқынын.
Барлық ойды,
бар сезімді матап ап,
дей алмаймыз
жүргені оның шатақ-ақ.
Көзді жұмып,
көрге кіріп кеткенше,
бізбен бірге, бірге бізбен жастық шақ!