Ақын өлеңдері жинағы ✍️

Көрмесем де
көңілдің тапшылығын,
жұлдызым
қанатыңды қақшы бүгін.
Күліп қарап
біресе күлмей қарап,
ауыртасың
жүректі, жақсылығым.
Жарымынан
асса да жалған өмір,
жаяр құшақ
жарқырап алдан өңір,
қабағыңды
кеп түйе берме, жаным,
кетіп жүрер
қысқарып қалған өмір.
Жамаңдықтар
ешкімге қараспайды,
тек тұрған, көп болса,
әрі аспайды.
Қолдан келсе,
тұрайық ұзақ жанып
Жұлдыздарға
аз жасау жараспайды.