Ақын өлеңдері жинағы ✍️

Аппақ болып
жарқырап ар алдында,
Шолпан жұлдыз туады
таң алдында,
Ей, жұлдызым
күңдізім жап-жарық боп,
жасынынан жанымның
жаралдың ба.
Сен мен үшін
емессің алыс аңыз,
қалысамыз,
оңаша қалысамыз;
Қалың елім
қатты ұйықтап жатқан кезде,
жерде емес,
көкте сол табысымыз.
Шықсаң таңнан
сылаңдап-сұқтанайын,
қуаныштан
таматын шық та дайын.
Күнде осылай
қарсы алу үшін сені,
ұйқтамаймын,
мен мәңгі ұйқтамаймын...