Ақын өлеңдері жинағы ✍️

Алатаулар,
қаратаулар,
Ақтаулар,
алыптығы кең далама шақ таулар.
Сендер тұра бересіндер асқақтап,
көп жасаудан армандары жоқ таулар.
Құлақ түріп шулы дүние үніне,
қалт-құлт етіп күн көреміз күніне.
Санасса егер,
сендерменен санасар,
біз кеткеннен қирап қалмас дүние.
Таулар,
таулар,
таулар тура беріңдер,
таулар үшін жаратылған елімде.
Қысқа өмірде үлгере алмай кетті-ау деп,
мен үшін де көктен жұлдыз теріңдер.