Ақын өлеңдері жинағы ✍️

Мінезіме болсаң кейде таң қалар,
оның да бір себебі бар, аңғар ал:
тірісіңде маңайына жолатпай,
енді ақыншыл болып алған жандар бар.
Солар ғана сыйлайтындай ақынды,
солар ғана қимайтындай ақынды.
Күнде ертемен шулап азан орнына,
Мұқағали атын олар шақырды.
Қулықтарын, сұмдықтарын жаттап ап,
өзді-өздерін олар солай ақтамақ,
Қуалап жүр және әнеки біреуді,
өлтіріп ап, оны әй кеп мақтамақ.
Тоқта ағайын,
жаның салмай жаулыққа,
қызыл көрген құзғындардай даурықпа.
Анда-санда алла-тағаламен тілдесіп,
ақындар да жүрсін аман-саулықта!