Ақын өлеңдері жинағы ✍️

Бір өлең тапсам,
бір өлең тапсам,
бір өлең тапсам өлмейтін,
ғасырлардың,
замандардың зорлығына көнбейтін.
Жарқыраған жер бетінде жұлдыздай боп атыңды,
мүрдеңменен бірге апарып топыраққа көмбейтін.
Бір өлең тапсам,
бір өлең тапсам,
бір өлең тапсам мәңгілік,
бұл адамзат, айтып жүрсе, шырқап жүрсе ән ғылып,
Сол әнменен бірге айтылған, бірге айтылған есімім,
қалып қойса жер бетінде үзілместен жаңғырып.
Бір өлең тапсам,
бір өлең тапсам,
бір өлең тапсам, бір өлең,
таба алмасам,
жүрсем дағы аман-есен– тірі өлем.
Соңдықтан, ертелі-кеш демей, аспан астында,
көктемдегі жауар бұлттай, жанар бұлттай түнерем.
Бір өлең тапсам,
бір өлең тапсам,
бір өлең тапсам, бір өлең...