Ақын өлеңдері жинағы ✍️

Көкке,
жерге қараймын өлең іздеп,
көктемдерге қараймын өлең іздеп.
Қасы-көзі қиылып,
дәл жанымнан
өткендерге қараймын өлең іздеп.
Күлгендерге қараймын өлең іздеп,
жүргендерге қараймын өлең іздеп.
Жанарларды жаулаған жарқ-жұрқ етіп,
гүлден гүлге қараймын өлең іздеп.
Өлең іздеп жұлдыздан түніменен,
балбыраймын бақта құс үніменен.
Басқа жақтан бір қайыр болмай қалса,
өлең іздеп ішіме үңілем мен.
Жүргізсе өмір ойлантпай өктемдігін,
елеп жатыр қазандай өкпемді кім.
Егін шыкпай еліме қалған жылдай,
қасірет қой– өлеңсіз өткен күнім