Ақын өлеңдері жинағы ✍️

Көкірегімде бір жігіт жүр
қолына гүл ұстаған,
көздерінде күн нұры ойнап,
басынан бақ ұшпаған.
Сүйерін де сүйіп әлі,
құшарында құшпаған,
бар үміті артта қалып,
тағдыр оны қыспаған.
Көкірегімде бір жігіт жүр,
баққа да әлі бармаған,
үлгермеген сөзін де айтып
сүйгеніне арнаған.
қызыл-жасыл кең дүние
көркіменен арбаған,
бірақ, одан аларын да
әлге дейін алмаған.
Көкірегімде бір жігіт жүр,
ырыс-құты мол жігіт,
шаршамаған, шалдықпаған,
сапар шегіп, жол жүріп.
Келе жатқан секілденер
елден-жұрттан соң жүріп,
біле алмадым, басқа ма әлде,
менмін бе әлде сол жігіт?!