Ақын өлеңдері жинағы ✍️

Жұрт жиналып,
мен қырыққа толған күн,
неге сонша көп толқыдың, толғандың.
...Көкала бұлт көктемнің күніндей,
сондай шақтар көңілімде мол қалды.
Түспей еске тұрғандай-ақ бір ісің,
есімде әлі сонда сұлық тұрысың.
Есімде әлі кеткен жандай сең соғып,
үй ішінде сенделіп көп жүрісің.
Айықпастай ойға батып бір қалың,
есімде әлі жұртқа мойын бұрғаның.
Шығып кетіп сосын басқа бөлмеге,
терезеден түнге қарап тұрғаның...