Ақын өлеңдері жинағы ✍️

Көрсем деп қанша келдім, көре алмадым,
көктемдей көңлі көкте өр арманым.
Кетсең де қай жерлерге, қай жақтарға,
бәрінен дұрыс болар оралғаның.
Орал да отыр сол бір орынында,
қарайын келіп көзбен толы мұңға.
Білмедім, бәз біреудің бақытымын,
білмедім, бәз біреудің сорымын ба?!
Тап қазір кемігендей менде жалын,
табар ма өстіп жүріп пенде ажалын.
Мен кіммін,
не ғып жүрмін,
түсінбек боп
қоя ғой әуреленбей сен де, жаным.
Тағдырдың бөлінгенмен жолы мыңға,
отыр кеп,
отыр, Орал, орынында.
Төгіліп жүзіңнен нұр отырғанда
Қарасам болды көзбен толы мұңға...