Ақын өлеңдері жинағы ✍️

Халық ек түсінісер ыммен ғана,
құндағы болған ыстық күн мен дала.
Бұл күні түсінісер болдық: «сүйем,
сүйем», деп шуылдаған «жынмен» ғана.
Күндер бір шуылдаған жетті басқа,
оркестр «ым-дымыңды» тепті басқа.
Жүректей жұмсақ қана лүпілдеген,
қанша бір қайран сөздер кетті босқа.
Содан-ақ ақын бар ма күрсінбеген,
бау-бақтай тал бойына нұр сіңбеген?!
Қозыдай инабатты сөздер қалып,
Қодардай сөздер шықты гүрсілдеген.
Сойқанның шақ келтірмек күші нені,
тау жығар топанды еске түсіреді:
Қызығы,
бір қызығы қыздар қазір,
Қозы емес,
Қодар сөзді түсінеді..