12.05.2022
140
![](/uploads/shorttexts/author_image/8a0df35a96c036a8f14f1197a56a5036.jpg)
Бір махаббат
Қиын ғой қыз бенен бұл өлең деген,
ерекше екеуіне елеңдегем.
Күн бойы күдер үзбей күтіп жүрем,
дегендей болғаннан соң келем деген.
Кетеді кеудем кейде ысып-ысып,
Тұрамын сонда орнымнан ұшып-ұшып.
Көрініп көзге өздері, қолға түссе,
қалар ем қар сынғанша құшып-құшып.
Сәт қайда жарқылдасып жанарда арман,
айнымас жан беріп те, жан алғаннан.
Болмаса бір махаббат жүректегі,
не таптым адам болып жаралғаннан!?