Ақын өлеңдері жинағы ✍️

Көктем келді,
елімнің бір көктемі,
бірте-бірте көбейді нұр көктегі.
Алатауды төріне отырғызып,
құшақ-құшақ гүл сыйлап құрметтеді.
Көктем келді,
кәдімгі нұрлы көктем,
бұлбұл күткен баулары, жырды күткен.
Құс біткеннің көздері оттай жанып,
қуаныштан қанаты бір-дір еткен.
Көктем келді,
түлікті, төлді көктем,
сағындырған,
аңсатқан елді көптен.
Ауық-ауық аспаны жұпар сеуіп,
жер бетінде тамшысын мөлдіреткен.
Кеудесіне құпия сыр жасырып,
Кемпірқосақ ақ тауға тұрды асылып.
Бірін-бірі қуысып, шапқыласып.
бала біткен жарысты қырға шығып.