Ақын өлеңдері жинағы ✍️

Өлді досым,
басылды да аптығым,
шашылды да кетті шалқар шаттығым.
Қайтып келер ме екен кеткен адамдар,
қайтып келу үшін барып батты күн.
Зар шығады досыма жыр арнасам,
жасқа малған кірпігімді алмасам.
Қайтып келе қоймас кеткен адамдар,
арттарынан өзім іздеп бармасам.
Кетпес кезде кетіп қалған досыма,
апарсам ба екен Күнге қосып Ай.
...Басса ілгері басар мына өмірдің,
шегінуді білмес заңы осылай!