Ақын өлеңдері жинағы ✍️

Қақап тұр қыс қайта оралған,
күз кетті мезгілін тауысып.
Бұрқап бір өткен сол бораннан,
Үн шашып кеткендей тау іші.
Сып-сидам жол бойғы тоғайлар,
қалшитып кеудесін ұстар тік.
Келген бұл қыс жайлы көп ойлар,
келеді жолды ұзақ қысқартып.
Көктемін,
шуағын ұмытқан,
кеудеде мұндайда жатар мұң.
Күн батыс қызарса суықтан,
сап-салқын боп барып батар күн...