Ақын өлеңдері жинағы ✍️

Көңілім, алып қашпа, алып қашпа,
хал басқа,
қазір менде қалып басқа.
Қыз, қыз деп өмір бойы қылқылдаудан,
бұл адам жаңылмас па, жалықпас па?!
Есімде гүлді шағым, таңғы шағым,
мен одан ұзап бүгін алға ұшамын.
Шөлейттің ортасына біткен баудай,
құбылып көз ұшында қалды сағым.
Оралмас ол шақ енді аңсағанмен,
тандайдан кетпей дәмі тамсанғанмен.
Көз жасын көрсетпестен ішке жұтып,
жарасар мұң шаққан бір қалсақ әнмен...