Ақын өлеңдері жинағы ✍️

Кім білген,
күнде сайран құрмаспыз деп,
көктемдей
гүл ырғалтып тұрмас па із көп...
...Жалт қарап,
жанарымды жарқ еткізіп,
жастық шақ
өте шықты-ау бір жас қыз боп.
Бір жерде
дүр сілкінтіп жүр ме көпті,
білмеймін
қайда барып ірге тепті.
Күлкім де,
куанышым,
қызығым да,
әйтеуір,
сол қызбенен бірге кетті.
Бар әлем
айналғанмен той бағына,
сыймаймын
қырға мына, ойға мына...
Жанары жәудіреген сол қалқамнан,
аң-таңмын қалай қалып қойғаны ма?!