Ақын өлеңдері жинағы ✍️

Жарқ еткенде жанарыңнан бір жасын,
Құйыл кәне, жүрегімде жыр қалсын.
Сенің сұлу мүсініңді кеудеме,
Орнатып - ап, көз алдымда тұрасың.
Кеудем менің ағын-жырға толғандай,
Қайғы күнім-шаттығыма үласты.
Сен кездесіп, жадырады қабағым,
Сәуірдегі жаңбыр жауып болғандай.
Сенің жырың сезіміммен жалғасты,
Іңкәр сезім оралғандай алғашқы.
Сонау жылғы 18-ім оралып,
Үнсіз күндер дүрбелеңге алмасты.