Ақын өлеңдері жинағы ✍️

Сағынышым, сары ала жапырағым,
Жүрегімнің жеткізіп жатыр әнін.
Сенсіз жүрген күндерім ауыр тиіп,
Мұң көліне өзімді батырамын.
Сенің нұрлы көздерің аялады,
Тағдыр бірақ, біздерді аямады,
Сенен ұшқан сезімнің ақ кептері,
Кеудеме кеп конақтап саялады.
Сені мәңгі сағынып, аңсауменен,
Жырлар жазып төзімді таусам деп ем,
Сұр бұлттардай сөгіліп көңіл көгім,
Бақшаңа кеп себелеп жаусам деп ем...