Жол үстіндегі кофе
Сырғалы қыз!
Телміріп қанша болды тұрғалы біз.
Мұңаясың несіне ойға шомып,
Біздің де түгел емес тұрманымыз.
Әншейін қыз алдында жігерліміз,
Әйтпесе, түсау түгіл, шілдерліміз.
Қара түнек қабарған қалпыңызбен
Су түбіне бізді де жібердіңіз.
Қарағым, қапаланба,
Қабағыңды аш,
Ашыққан жолаушыға тамағыңды ас.
Байқамаған болайық біз қайғыңды,
Жігітпіз жатқа қызды таба қылмас.
Мұңайма!
Бәрі жалған, жалған, құрбым,
Жолығар жаңа бақыт алдан бір күн,
Татымас сақылдап бір күлгеніңе
Қапыда қабағыңды шалған кірбің.
Жетпейсің мақсатына шер толғатып,
Қымтайды өз қолымен көрпеңді уақыт.
Бақыт деп балағаның – ертеңгі сор,
Бүгінгі сор дегенің – ертең бақыт.
Алтыннан көзіндегі тамшы қымбат,
Алыпсың қымбатыңды сәл шығындап.
...Кетейік жабырқамай жолға шығып,
Қолыңды соңымыздан қалшы бұлғап?!