Ақын өлеңдері жинағы ✍️

Тойыңа барып қайтуға,
Бір жылдай ауды аңсарым.
Бұрқанған жырмен тойыңның
Кіргізсем деп ем мен сәнін
Хасен мен Сейтен досыңа
Ала кет деумен шаршадым.
Өзім-ақ ұшып барар ем,
Жағдайым жетіп келсе әлім.
Дабысым дардай болғанмен
Бұйдасы қысқа наршамын.
Шарласам бүкіл жер шарын
Болмысы бөлек өзіңдей
Табылмас екі Ерсайын.
Қайырлы болсын еліңе
Кемелге келген дер шағың
Жұмсадың барлық күшіңді
Бақыты үшін баршаның.
Өзіндей ерлер тұрғанда
Өшірмес туған ел шамын.
Денсаулық, дәулет тілеймін,
Жүзге де аман кел, шалым!