Ақын өлеңдері жинағы ✍️

Серік, сені құттықтаймыз тойыңда,
Талай арман тұрған шығар ойыңда
Немереңді құтты жерге қондырсаң
Сар тісті шал болғаныңды мойында!
Болашақты санаменен сарала
Ұрпақ деген – алтын көпір араға.
Арманыңды ұясынан ұшырып,
Тұрған күнің құтты болсын, Тамара!
Қызым, саған қонып еді жастай бақ
Өзің жайлы біз жүреміз жақсы ойлап.
Құтты жерге қонайын деп отырсың,
Барған жерге судай сіңіп, тастай бат!
Қиялыңа қанат қақтың, қарағым,
Жасқа толып жабықпасын жанарың.
Тілеуіңді тілеп қалған туысқа
Жетіп жатсын сенің жақсы хабарың!