Ақын өлеңдері жинағы ✍️

Менің туған күнімде
Тілек тәтті, ой тәтті,
Жақсы тілек оятты.
Ең алғаш боп құттықтаған бір өзің,
Таң нұрымен аялады гүл сезім.
Менің туған күнімде
Аппақ арман әдемі,
Әлдиледі, ән берді.
Өзек болса өлең-жырға ақ тілек,
Жүрегімде бейнең тұрды бақ тілеп!
Менің туған күнімде
Күн де, ай да арайлы,
Нұрға бөлер маңайды.
Салтанатын тарту етіп тамаша,
Өмір белес жол салады жаңаша.