Ақын өлеңдері жинағы ✍️

Айдай әсем арай нұры таралған,
Арулар көп бұл өмірде менсіз де.
Әдемілік сүю үшін жаралған,
Ғашық болып қалсам қайтем,
Мен Сізге?
Аяқталар жақсылықпен ертегі,
Періште мен хордың қызы тең сізге.
Отжүректің жалыны кеп өртеді,
Ғашық болып қалсам қайтем,
Мен Сізге?
Өмірде жоқ Махаббаттан асқан заң,
Шартты нәрсе - сезімді ойға алуым.
Cіз емессіз, жүректегі басқа Жан,
Мүмкін емес,
ғашық болып қалуым!
Қия бассам шалыс кетер қадамым,
Жақсы жанды танымау мен тану – мұң.
Сіз емессіз, жүректегі Адамым,
Мүмкін емес,
ғашық болып қалуым!