Ақын өлеңдері жинағы ✍️

Бұт артары бар жанның бəрі мықты,
Жаяу байғұс күледі мінгеспекке.
Малсыз жастан майқарын кəрі мықты,
Оңтайланып тұрады тіл кеспекке.
Ұрынады анаған, мынаған да,
Жайпап тастай жаздайды жамағатты.
Байлық айта береді сұрағанға,
Əңгіме ғып көк дорба, ала қапты.
Қағып-сілкіп шапанын түрегеліп,
Қарпып сөйлеп қалтиып тұра қалмақ.
Артына бір қарайды жүре беріп,
Көзбен атып көпті бір бұрап алмақ