Ақын өлеңдері жинағы ✍️

Жер жентек,
Аспаны да алжасқан ба?
Ұқсайды сонау шыңды қар басқанға.
Найзағайын суырды қап-қара түн,
Тарғыл бұлт тауға келіп жармасқанда.
Бұрауы теріс келіп
Қатқылданды,
Жел ұлып шақырғандай қасқырларды.
Көк жасын сабау құйрық
Сақылдайды,
Бұл маңнан Мен де безіп астым мəңгі.
Ұрда-жық,
Ұрыс-керіс түңілдірді,
Жайлайын жанға тыныш бір үңгірді.
Дүние шама берші
Мына маған,
Өмірге əкелгенше құлын жырды.