Ақын өлеңдері жинағы ✍️

Қауызыңнан нəр көрдім,
Нəрлендім, сосын əлдендім.
Іңгалауға жарамай,
Құлаққа ұрған танадай,
Жатыр едім жан жарым,
Жетім де көңіл баладай.
Сəбидей сүйіп сəн бердің.
Тілегіңменен тербеттің,
Лəззатын беріп жер-көктің.
Түрегеліп гүлдендім,
Жүректен жұлып жыр бердім.
Ордамның асыл панасы,
Отымның уыз Анасы,
Болсын деп сүйеу ақынға,
Жаратқан сені шамасы.