Ақын өлеңдері жинағы ✍️

Мынау тұс біз көргенде өзен бе еді,
Өзен бе еді, өзгерген, не көрмеді.
Қош енді қоңыр қаз бен ақ шағала,
Əмудің гөзелдері.
...Гөзелдері.
Жасыл бақ қайда кеткен орманы жоқ,
Орманы жоқ, ол енді сорлады көп.
Ұсынды ақ парақты ару келіп,
Əмудің қолыменен дəру беріп,
Қалдырған жырың еді сондағы деп.
...Сондағы деп.
Сыңсыды селдіреген орманы кеп.
Əмудің гөзелдері,
Гөзелдері.
Қайда əлгі өзендері?
Таранып тоты құстар,
Сəнденіп сəмбі талдар,
Неліктен безенбеді?..
Əмудің гөзелдері,
Гөзелдері.