Ақын өлеңдері жинағы ✍️

Ажары көктемдегі ашық таңдай,
жарқырап жанарыңды жасытқандай.
Еркелеп, мың бұралып назданғанда,
қай жігіт тұра алады ғашық болмай?!
Қайырмасы:
Əй, қыздар-ай,
гүлдейсіңдер,
жүрмейсіңдер
ғашық етпей!
Сендерсіз өмір бізге
ұқсайтын қоңыр күзге
қасіреттей.
Əй, қыздар-ай,
сендерсіз жүреміз
біз қалай?!
Дүниеде қыз жүрмесе сылаң қағып,
өмірің кетер еді-ау тұманданып.
Жігітке ғашық болмай жүру – күнə,
қу қыздар, асқақтайды мұны аңғарып!
Қайырмасы.