Ақын өлеңдері жинағы ✍️

Шағала шулап төсінде,
ойнайды көктің жасылы.
Қосылды долы осы үнге
тулаған теңіз тасыры.
Ашулы толқын үстінде
алысты қайық желменен.
Балықшы, дүлей күш кімде –
ойланып тұрар жер ме кең?!
... Ілезде тынып айнала,
сылқылдай күлді көк теңіз.
Балықшы жігіт жай ғана
күледі: «Қорқып кетпеңіз,
көңілінде жоқ үлкен кек,
Шыңдайды жастың жігерін,
сынайын дейді бұл тентек
ақынның нəзік жүрегін...»
Балықшы шықса ертемен,
айдыннан асқақ күй ұғып,
осынау теңіз тентегің
жатады сонда бұйығып!.