Ақын өлеңдері жинағы ✍️

(Әшімбек Бектасовқа)
Қолыма ұстағанда домбырамды,
Шертемін шері терең сол бір әнді.
Сазымен жас дәурендей сырласамын,
Есіме алып сонау сорлы жанды.
 Бүғаудан әнші сабаз бұлқынған ба?
Батамын, тартсам күйін, мұң-тұманға.
Білмеймін, елжірейді неге жаным,
Сол әні шертілді ме мен туғанда?
Әнімен жүрегімді әлдилеген,
Жасымнан сырлас едім Мәдименен.
Қайралмай көк семсердей қайран жастық,
Өте ме жауған бұлттай фәни деген...