Хасан Басри әңгімелейді: Омар (р.а.) былай деуші еді: «Аллам! Амалдарымды дінімізге сай шынайы қыл. Өзіңнің разылығыңды алудан басқа мақсат жоқ ықыласты амалдарға баста». Әбул-Алиә былай дейді: «Омардың (р.а.) аузынан мына дұғаны жиі еститінмін: «Аллам! Бізге денсаулық, өмір және тәртіп бер. Бізді кешіре гөр». Зәйд ибн Әслам әкесінің мына сөздерін жеткізеді: «Бірде Омар (р.а.) былайша дұға жасады: «Аллам! Менің ақырғы демімді өмірінде бір ғана рәкат намаз оқыған, маңдайын сәждеге бір-ақ рет тигізген адамның ажалымен бір қыла көрме. Сол оқыған намазы мен еткен сәждесін алға тартып, ақыретте сенің құзырыңда менімен таласып, тартыспасын».