Ақын өлеңдері жинағы ✍️

Мақтаймыз кеп өлгенді,
мақтаймыз-ау төкпелеп,
Мақтаймыз кеп жазғанын тірісінде өтпеген.
Жорғалаймыз алдында табытының,
сол өлік
тұрып кетер секілді некрологқа өкпелеп.
Мені бүгін бір досым мақтап жазды,
секірді
жолдан-жолға сұлу сөз, бәле ғой бұл, не тірлік
шошып кеттім:
«мен осы өлгенім жоқ па екен» деп,
өйткені кей мақтаулар некролог секілді.
1969, 1982